ليه يادنيا

موضوع: ليه يادنيا السبت سبتمبر 27, 2008 4:02 pm

هى ليه الدنيا كده تاخد ليه كل ده
ليه مابتديش يادنيا 00 يادنيا متتعبنيش
عملت ايه ليكى قسيت فى يوم عليكى
دايما جارحه قلبى دايما ظالمه حبى
حتى الغالى مبقاش غالى
واليوم بقى كله ليالى
ليالى ظلام وقسيه والام بتجرح فيا
اصرخ واقول الاه الاقيها بقت اهات
ليه يادنيا مبتديش ليه بتوعدى ومبتوفيش
كل يوم اصحى استنى منك فرحه
الاقينى فى دنيا جارحه ودموع سارقه الفرحه
الاقى العمر بيعدى بيجرى مش راضى يهدى
ليه يادنيا جارحه دايما بتسرقى الفرحه
بصحى فى يوم العيد يمكن اكون سعيد
والاقى فجر جديد
الاقيكى مش مستنيه بتجرى تلحقى القسيه
تجيبيها بين ايديا
ردى يادنيا عليا ليه بس القسيه
ليه الجرح فيا اتعلمت خلاص القسيه
خلاص قلبى بقى قاسى بقى يجرح عشان ناسى
بقى يظلم كمان كانه مبقاش انسان
ليه يادنيا حرام قلبى كان كله غرام
علمتينى ليه القسيه والجرح مبقاش بايديا
وارجع واقول هستنى منك ايه
ماانتى كده من غير ازاى وليه
دنيا غرورة لكنك ضرورة
دنيا مبتديش توعدى ومتوفيش